MAXLUQOTLAR ALLOHGA OʻXSHAMAS

Imom Abu Ja'far At-tahoviy o'zlarining "Aqiydatut Tahoviyya" nomli kitoblarida shunday keltiradilar: 
             
لا يُشْبِهُهُ الأنامُ
     Ya'ni, Alloh taologa hech narsa oʻxshamaydi.
Yuqoridagi matnda kelgan أنام soʻzi 3 xil ma'noda ishlatiladi: 
1.Har bir ruh egasi
2.Xaloyiqning barchasi
3.Bashar
Ushbu 3 maʼnoda kelganlarning birortasi Alloh taologa oʻxshamaydi.
Matnning umumiy mazmunidan kelib chiqib quyidagilarni aytishimiz mumkin:
Alloh taolo yaratgan narsalar ichida Zotida ham, sifatlarida ham, ismlarida ham Allohga o'xshashi yo'qdir. Mushabbiha va Mujassima kabi adashgan firqalar Alloh taologa "jism" nisbatini beradilar.

"...U Zotga oʻxshash hech narsa yo'qdir. U oʻta eshituvchi va ko'ruvchidir".
                             Shuro surasi, 11-oyat

Nasroniylar esa,  Allohga "farzand va ayol" nisbatini beradilar. Alloh taolo bu kabi va boshqa barcha noloyiq sifatlardan pokdir.
Alloh taoloning quyidagi oyati bunga dalildir:

" Va Unga hech kim teng boʻlmagan"
                              Ixlos surasi, 4-oyat

Yahudiylarning baʼzilari ham Allohga "farzand" nisbatini berganlar. Ularning bu daʼvolari botildir.
Bunga dalil Tavba surasining 30-oyatidir:

"Yahudiylar: "Uzayr Allohning o'g'lidir", dedilar. Nasorolar: "Masih Allohning o'g'lidir", dedilar. Bu ogʻizlari bilan aytgan gaplaridir. Avvalgi kufr keltirganlarning gapiga o'xshaturlar. Alloh ularni laʼnatlasin. Qayoqqa oʻgirilib ketmoqdalar?!"

Tayyorladi: M.No'monova
Mas'ul ustoz: S.Muxamedxodjayeva

Foydalanilgan manbalar: 
"Aqidatut tahoviyya", Imom Tahoviy,
"Aqidatut tahoviyya sharhining talxiysi", Muhammad Anvar Badaxshoniy.