Iymon ruknlari nechta?

"Iymon ruknlari nechta?" degan savolga javob berish uchun, avvalo, "iymon va rukn" kalimalari nimani ifodalashi haqida toʻgʻri tasavvur boʻlishi lozim.
Iymon kalimasi lugʻatda ikki xil maʼnoni bildiradi:
1. Tasdiqlash.
2. Omonlik berish.
Ahli sunna val-jamoa ulamolari nazdida birinchi maʼno, yaʼni tasdiqlash moʻtabar hisoblanadi.
"Rukn" lugʻatda «ustun, asos» kabi maʼnolarni anglatadi. Istilohda esa "Biror narsaning asosini tashkil qiladigan eng kuchli tarafi uning rukni deyiladi".

"Iymon ruknlari nechta?" degan savolga ahli sunna val-jamoa ulamolari uch xil qarashni aytganlariga guvoh boʻlamiz:
1. Iymon qalb bilan eʼtiqod qilish, til bilan nutq qilish va arkonlarga amal qilishdir;
2. Iymonning asliy rukni tasdiqlashdir. Til bilan iqror boʻlish aslga qoʻshimcha rukn hisoblanadi;
3. Iymon faqatgina tasdiqdan iboratdir. Iqror boʻlish dunyoda moʻminlik hukmlari ijrosi uchun shartdir. Solih amallar esa iymonning sahih boʻlishi uchun emas, balki komil boʻlishi uchun shartdir.
Ushbu ikkinchi va uchinchi qarash moturidiya mazhabi ulamolarining qarashlaridir. Faqatgina baʼzilari iqror boʻlishni "qoʻshimcha rukn" degan boʻlsalar, baʼzilari "dunyoda moʻminlik hukmlari ijrosi uchun shartdir", – deganlar.

Tayyotladi! 3- kurs talabasi Yakubova M.
Mas'ul ustoz: Muxamedxo'djayeva S.