Noqonuniy diniy faoliyat bu — diniy tashkilot sifatida ro‘yxatdan o‘tmasdan faoliyat ko‘rsatishdir

#Dolzarb_mavzular
#Diniy_ta'lim
#Jamiyat_farovonligi 

Noqonuniy diniy faoliyat bu — diniy tashkilot sifatida ro‘yxatdan o‘tmasdan faoliyat ko‘rsatishdir

Davlatimiz mustaqilligi e’lon qilingandan boshlab yurtimizda barcha sohalar qatori ma’naviy-ma’rifiy, madaniy va diniy sohalarga ham yuksak e’tibor qaratildi.  Bugungi kunda internet tarmoqlarda ayrim shaxslarning “o‘zicha” aholiga diniy ta’lim berishi, noan’anaviy aqidalarni tarqatishi, mutaxassis bo‘lmagan shaxslar tomonidan sof diniy masalalar bo‘yicha biryoqlama tushunchalar berishi tez-tez uchrab turibdi. Bu esa aholi orasida  turli xil tushunmovchiliklarga, insonlarning ongiga salbiy ta’sir qilishiga, bundan tashqari, jamiyatda diniy masalalar bilan bog‘liq ixtiloflar kelib chiqishiga, aholining yot g‘oya va qarashlar ta’siriga tushishiga sabab bo‘layapti. 

«Vijdon erkinligi va diniy tashkilotlar to‘g‘risida»gi qonunining 3-moddasida diniy tashkilot sifatida ro‘yxatdan o‘tmasdan faoliyat ko‘rsatish, diniy tashkilot tomonidan faoliyatni o‘zi turgan joydan, shu jumladan ibodat qilinadigan binolardan va diniy tashkilotga tegishli hududlardan tashqarida amalga oshirish, shuningdek diniy ta’lim muassasalaridan tashqarida xususiy tartibda diniy ta’lim faoliyati bilan shug‘ullanish taqiqlanadi. 

Qolaversa, 8-moddasida har kim diniy ta’lim muassasalarida professional diniy ta’lim olish huquqiga ega ekanligi, diniy ta’lim muassasalarida o‘qishga fuqarolar qonunchilikka muvofiq umumiy o‘rta, o‘rta maxsus ta’lim yoki professional ta’lim olganidan keyin qabul qilinishlari belgilab qo‘yilgan.

Qonunga ko‘ra, noqonuniy diniy faoliyat deb, diniy tashkilot sifatida ro‘yxatdan o‘tmasdan faoliyat ko‘rsatish, diniy tashkilot tomonidan faoliyatni o‘zi turgan joydan, shu jumladan ibodat qilinadigan binolardan va diniy tashkilotga tegishli hududlardan tashqarida amalga oshirish, shuningdek diniy ta’lim muassasalaridan tashqarida xususiy tartibda diniy ta’lim faoliyati bilan shug‘ullanishga aytiladi.

Shunday ekan har bir fuqaro noqonuniy tarzda diniy ta’lim olish, berish, noqonuniy diniy targ‘ibot, turli norasmiy diniy jamoalar ta’siridan ogoh bo‘lish, ekspertizadan o‘tkazilmagan, noqonuniy diniy adabiyotlar, ekstremizm, separatizm, aqidaparastlik, zo‘ravonlikni targ‘ib etuvchi audio-video ma’lumotlarni saqlamaslik va tarqatmaslik kerakligini yaxshi tushunmog'i zarur va maqbuldir.

Ta'lim muassasasi ETQKMMA maxsus kursi o'qituvchisi G.Maxamedova