“𝐍𝐞𝐠𝐚 𝐦𝐮𝐬𝐮𝐥𝐦𝐨𝐧𝐥𝐚𝐫 𝐲𝐚𝐠𝐨𝐧𝐚 𝐦𝐚𝐳𝐡𝐚𝐛𝐠𝐚 𝐞’𝐭𝐢𝐪𝐨𝐝 𝐪𝐢𝐥𝐦𝐚𝐲𝐝𝐢?”

  „Islom bir boʻlsa nega mazhablar 4 ta?“ ,”Rasululloh alayhissalom qaysi mazhabda boʻlganlar?“, “Qur’on va Sunnat turganda, Abu Hanifaga ergashamizmi?” degan gaplar tez-tez qulogʻimizga chalinib turadi. Oʻz mazhabimizga nisbatan ishonch va e’tiqodimiz kuchli boʻlishiga qaramasdan, ba’zan bu gumonlar qalbimizga oʻrnashib, bemazhablarga javob berolmay qolamiz.
  Chindan ham musulmonlar yagona mazhabga ergashishi kerakmi? Keling, bu savolga birgalikda javob topishga harakat qilamiz.
   Avvalambor shuni eslatib oʻtish kerakki, Ahli sunna val jamoadagi 4 mazhab orasidagi fiqhiy ixtiloflar faqat shakliy narsalarda, xolos. Bu davr, jamiyat, hayot tarzi oʻzgarishiga bogʻliq boʻlib, bunday ixtiloflar boʻlishi aslida tabiiydir.
   Fiqhning birinchi asosiy manbasi - Qur’oni karim oyatlari muhkam (ochiq -oydin) va mutashobih (undan iroda qilingan ma’no noaniq) oyatlarga boʻlinishi, shuningdek, arab tilidagi soʻzlarning turli ma’nolar ifoda etishi ham fikrlar xilma-xilligini taqozo qiladi.
   Mazhabboshilar ham bir-birining fikrini hurmat qilgani, hatto bir - birligidan ilm oʻrgangani tarixdan ma’lumdir. Imom Molik oʻzlarining “Muvatto” kitoblarini ta’lif qilganlarida, Xalifa Ja’far : „Agar xohlasang, hamma odamlarni shu kitobga jamlayman” , -dedi. Shunda Imom Molik: „Yoʻq, unday qilma, Rasulullohning sahobalari hamma yoqqa tarqalib ketishdi, ularning har biri oʻzi bilan yaxshilikni olib ketdi“, - dedilar.
  Alloh taolo mazhabboshilarimiz, faqih olim-u fuzalolarimizdan oʻzi rozi boʻlsin!

Tayyorladi:1 kurs talabasi Ibrohimova Ziyoda
Mas'ul: “Yoshlar bilan ishlash, ma’naviyat  va ma’rifat bo‘limi” boshlig‘i G.Maxamedova