"Zalzala " surasining tafsiri

"Zalzala " surasining tafsiri

Zalzala surasi- Madinada nozil bo‘lgan. 8 oyatdan iborat.
Ushbu surai karimaning ismi ham uning birinchi oyatidan olingan. "Zalzala" - "zilzila" deganidir. Bu yerda qiyomat qoim bo‘lgandagi ulkan zilzila haqida so‘z ketadi.
Bu surasi karima qiyomat kunidagi ba’zi voqealar vasfi bilan boshlanadi. So‘ng, odamlarning qayta tirilishi va hisob-kitob haqida so‘z ketadi. Imom At-Termiziy rivoyat qilgan hadisda 🧕Payg‘ambarimiz sallallohu alayhi vasallam: "Izaa zulzilat" surasi Qur’onning yarmiga teng keladi", deganlar.

Mehribon va rahmli Allohning nomi bilan boshlayman!

1. ⛰ Vaqtiki, yer o‘ziga xos zilzilaga tushsa...

2.  Va yer o‘z yuklarini otib chiqarsa...

3.  Va inson: "Unga nima bo‘ldi?!"- desa...

4.   O‘sha kunda u (yer) o‘z xabarini aytadir.

5.  Sening Robbing unga vahiy yuborgani uchundir.

6. O‘sha kunda odamlar amallarini ko‘rish uchun joylarida guruh-guruh bo‘lib qo‘zg‘alurlar.

7. Bas, kim zarra og‘irligida yaxshilik qilsa ham ko‘radir.

8. Va kim zarra og‘irligida yomonlik qilsa ham ko‘radir.
  
 Tayyorladi: Raxmonova R.
 Mas’ul ustoz: Nurmuhammedova I.

🔗 t.me/xadichauz - diniy-ma'rifiy kanal!

Telegram (https://t.me/xadichauz) 🕊| Instagram (https://www.instagram.com/xadichauzofficial/)📱
Facebook (https://www.facebook.com/Xadicha.uz)📱| Youtube (https://www.youtube.com/channel/UCHjfzg_O8G4_0PrEWDuW3-A) 📺